Придобивки од слушните помагала
Користењето на слушни помагала носи голем број на придобивки за луѓето со оштетен слух.
Прво и најважно, ќе слушате многу подобро. Слушните помагала не можат во целост да го вратат вашиот слух, но суштински го подобруваат. Станува полесно да го слушнете говорот на другите луѓе. А можете да ги слушнете и звуците кои не сте можеле да ги слушате долго време, како што е пеењето на птиците, ѕвонењето на вратата, фучењето на ветерот, течењето на водата.
Слушните помагала често ја подобруваат и социјалната, психолошката и физичката благосостојба на корисникот.
Студиите, но и искуството, покажуваат дека слушните помагала генерално го подобруваат квалитетот на животот, а можат да ви помогнат и:
- да го подобрите вашиот однос со семејството,
- да се чувствувате подобро,
- да го подобрите вашето ментално здравје,
- да ја подобрите вашата физичка благосостојба,
- подобро да се концентрирате,
- да се чувствувате понезависни и посигурни,
- да се чувствувате поодморни,
- да бидете повеќе вклучени при средбите со пријателите,
- да можете да направите повеќе нови пријателства,
- да бидете подобри на своето работно место.